Thursday 19 May 2011

تم بھول گئے شاید

تم بھول گئے شاید
(انور مسعود)

تم بھول گئے شاید
وہ جو دودھ شہد کی
کھیر تھی
وہ جو نرم مثل
حریر تھی
وہ جو آملے کا
اچار تھا
وہ جو ہم میں تم میں قرار تھا
تمہیں یاد ہو کہ نہ یاد ہو

جو ہرن کے
سیخ کباب تھے
وہ جو آپ
اپنا جواب تھے
وہ جو کوئٹے کا
انار تھا
وہ جو ہم میں تم میں قرار تھا
تمہیں یاد ہو کہ نا یاد ہو

وہ جو سیب
زینت باغ تھے
وہ جو شاخ شاخ
چراغ تھے
وہ جو آلووں کو
بخار تھا
وہ جو ہم میں تم میں قرار تھا
تمہیں یاد ہو کہ نا یاد ہو
وہ رقیب کے
جو بغیر تھی
وہ جو چاند رات
کی سیر تھی
وہ جو عہد
فصل بہارتھا
وہ جو ہم میں تم میں قرارتھا
مجھے سب ہے یاد زرا زرا
تمہیں یاد ہو کہ نہ یاد ہو

1 comment:

  1. کبھی ہم بھی تم بھی تھے آشنا
    تُمہيں ياد ہو کہ نہ ياد ہو
    کبھی ہم ميں تُم ميں بھی پيار تھا
    تُمہيں ياد ہو کہ نہ ياد ہو

    ReplyDelete