اِک بستی بسنے والی ہے

اُمید ابھی کچھ باقی ہے ۔

اِک بستی بسنے والی ہے
جس بستی میں کوئی ظُلم نہ ہو ۔

اور جینا کوئی جُرم نہ ہو
وہاں پھُول خوشی کے کھِلتے ہوں ۔

اور موسم سارے مِلتے ہوں
بَس رَنگ اور نُور برستے ہوں ۔

اور سارے ہنستے بَستے ہوں
اُمید ہے ایسی بستی کی
جہاں جھوٹ کا کاروبار نہ ہو ۔

اور دہشت کا بازار نہ ہو
جینا بھی دشوار نہ ہو ۔

اور مرنا بھی آزار نہ ہو
وہاں خون کی ہولی عام نہ ہو ۔

اُس آنگن میں غم کی شام نہ ہو
جہاں مُنصف سے انصاف ملے ۔

دل سب کا سب سے صاف ملے
اِک آس ہے ایسی بستی ہو ۔

جہاں روٹی زہر سے سستی ہو
یہ بستی کاش تمہاری ہو ۔

یہ بستی کاش ہماری ہو
اُمید ابھی کچھ باقی ہے ۔

اک بستی بسنے والی ہے