کرماں والےبیبے رانے کتهے گئے

کرماں والےبیبے رانے کتهے گئے

خالص مکهن دوده مکهانے کتهے گئے
باسمتی دے چول پرانے کتهے گئے
 

کاٹهے گنے دیسی دانے کتهے گئے
تندرستی دےضامن کهانے کتهے گئے

وید . حکیم. دناء سیانے کتهے گئے
کرماں والے بیبےرانے کتهے گئے

خالص مرچ تے خالص ہلدی کتهے گئ
اینی چینی اینی جلدی کتهے گئ 
 

جیہڑی دال سی چهیتی گلدی کتهے گئ
روپ جوانی ڈهلدی ڈهلدی کتهے گئ

مجرم پهڑن والے ٹهانے کتهے گئے
کرماں والے بیبے رانے کتهے گئے

ہویا ایڈا گهپ ہنیرا دس دا نیئں
اپنی منزل اپناڈیرا دس دا نیئں
 

سجن متر تیرامیرا دس دا نیئں
بتی والا کوئی بنیرا دس دا نیئں

مہر محبت پیار پرانے کتهے گئے
کرماں والےبیبے رانے کتهے گئے

عبیرابوذری